მწვანე ბარათის მიღების შესაძლებლობები გამორჩეული უნარებისა და მიღწევების მქონე ადამიანებისთვის.

ადამიანებს რომლებსაც გააჩნიათ გამორჩეული ნიჭი, უნარები და მიღწევები ბიზნესის, სპორტის, ხელოვნების, მეცნიერების და განათლების სფეროებში, შეუძლიათ აშშ-ში დამსაქმებლის ან სპონსორის გარეშე მიიღონ მწვანე ბარათი.

აღნიშნული საიმიგრაციო ვიზის კატეგორია არის Eb11, რომელიც წარმოადგენს იმ ორი კატეგორიიდან ერთ-ერთს, რომლისთვისაც არ მოითხოვება აშშ-ში არსებული სამუშაო მოწვევა. ამ ტიპის მწვანე ბარათის მისაღებად, აპლიკანტმა უნდა წარადგინოს დოკუმენტაცია რომლითაც დადასტურდება რომ მათი მიღწევები სფეროში აღიარებულია ეროვნულ ან საერთაშორისო დონეზე.

მოთხოვნილი დოკუმენტაცია უნდა შეიცავდეს საერთაშორისოდ აღიარებული ყველაზე გავლენიანი ჯილდოს მიღების მტკიცებულებას (როგორიცაა ნობელის პრემია, გრემი, ოლიმპიადა) ან შემდეგი 10 ტიპის დოკუმენტაციიდან მინიმუმ სამის სახის დოკუმენტაციის არსებობას:

1. დოკუმენტაცია აპლიკანტის მიერ ეროვნულ ან საერთაშორისო დონეზე ნაკლებად აღიარებული პრიზების ან ჯილდოების მიღების შესახებ.

2. აპლიკანტის ასოციაციაში ან ფედერაციაში წევრობის დამადასტურებელი დოკუმენტაცია, რომელიც წევრად მიღებისთვის წინაპირობად ითვალისწინებს გამორჩეულ მიღწევებს.

3. აპლიკანტის შესახებ გამოქვეყნებული სტატია ან ინტერვიუ პროფესიულ ან ფართოდ გავრცელებულ პუბლიკაციებში ან სხვა სახის მედიაში.

4. აპლიკანტის მიერ კოლეგის მიღწევების შეფასების მტკიცებულება როგორც ჟიურის წევრის ამპლუაში ასევე ინდივიდუალურად.

5. სფეროსთვის დიდი მნიშვნელობის მქონე ორიგინალური სამეცნიერო, მხატვრული, სპორტული ან ბიზნესთან დაკავშირებული წვლილის შეტანის მტკიცებულება.

6. აპლიკანტის მიერ სფეროში გამოცემული სამეცნიერო ხასიათის სტატიების მტკიცებულება პროფესიულ ან სხვა ფართოდ გავრცელებულ პუბლიკაციებში.

7. აპლიკანტის მიერ შესრულებული სამუშაოს მხატვრულ გამოფენებზე წარმოდგენის მტკიცებულება.

8. გამორჩეული ორგანიზაციისა თუ დაწესებულებისთვის აპლიკანტის მიერ წამყვანი ან მნიშვნელოვანი როლის შესრულების დამადასტურებელი დოკუმენტაცია.

9. აპლინატის მიერ მაღალი ანაზღაურების მიღების მტკიცებულება ამ სფეროში მოღვაწე სხვა პირებთან შედარებით.

10. საშემსრულებლო ხელოვნებაში კომერციული წარმატებების დამადასტურებელი მტკიცებულება.

იმ შემთხვევაში, თუ ზემოაღნიშნული დოკუმენტაცია პირდაპირ ხელმისაწვდომი არ არის, რეგულაცია იძლევა ალტერნატიული მტკიცებულებების მიწოდების შესაძლებლობას.